I
Madagasikara tanindrazanay!
Tany saro-bidy masina sy soa;
Lova soa navelan' ny razanay taloha;
Maty ho anao no tena lazanay.

II
Isika rehetra izao akanga miara-dia
Tsy azo tabaina na ravana koa;
Ka hitomban-dahy hiasa re satria
Io no loharano fototry ny soa.

III
Malagasy ô, andeha hifankatia;
Ho mpirahalahy tena iray tam-po;
Ny hifankahala hatao sanatria.
Ka iray tokoa ny saina sy ny fo.

Isan' andininy
Mitsangàna ry tanora !
Mitsangàna ka aza manana ahiahy;
Izao no andro sady ora,
Mijoroa sahia tokoa ho lehilahy.